Мухбирларни қоғдаш тәшкилати хитайни виҗдан мәһбуслирини қоюп беришкә чақирди

10-Декабир хәлқара инсан һәқлири күнидә хәлқара мухбирларни қоғдаш тәшкилати вә тәшкилатни қоллиғучилардин 20 миң киши имзалиқ баянат елан қилип, хитайни аз санлиқ милләтләрниң бастурулушиға аит әһвалларни ашкарилиғанлиқи үчүн қолға елинған виҗдан мәһбуслирини қоюп беришкә чақирди.
Мухбиримиз меһрибан
2012.12.11

Мәлум болушичә, нөвәттә хитай түрмилиридә қамалған 32 мухбирниң 19 и уйғур, тибәт қатарлиқ милләтләрдин болуп, буларниң ичидә 2009-йили үрүмчидә йүз бәргән 5-июл вәқәси сәвәблик қамақ җазасиға һөкүм қилинған мухбир ғәйрәт нияз, тор язғучиси гүлмирә имин, тор башқурғучилиридин дилшат пәрһат, ниҗат қатарлиқлар шундақла тибәтлик филим режиссори вә тор язарлири бар. Хитай даирилири уларни дөләтни парчилаш, чәтәл мәтбуатлириға дөләт мәхпийәтликини ашкарилаш, бөлгүнчилик, қутратқулуқ қилиш қатарлиқ сиясий җинайәтләр билән әйибләп, муддәтсиз вә муддәтлиқ қамақ җазалириға һөкүм қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.