Astana hazirghiche nazarbayéfning késili heqqide melumat tarqatmidi

Astana da'iriliri bu heqte héchqandaq uchur we yaki izahat bermigen shuningdek yene taki bügün'giche astana da'iriliri nazarbayéfning qandaq késel bilen opératsiye qilin'ghanliqi we yaki bashqa munasiwetlik mesililer heqqide süküt qilish charisi qollan'ghan.

Azadliq radi'osining qazaq shöbisining xewer qilishiche, bu ehwal ottura asiya analizchiliri we qazaqistan jama'itining diqqitini qozghighan hemde bu heqte türlük perezler meydan'gha chiqqan.

Nazarbayéfning gérmaniyide tuyuqsiz opératsiye qilin'ghanliqi heqqide fransiye agéntliqi xewer tarqatqan.

19-Iyul küni nazarbayéfning sabiq küy'oghli, hazir awstriyide siyasiy panahliqta turuwatqan rahet aliyéf öz shexsiy blogida nazarbayéfning éghir késelge giriptar bolghanliqi heqqide di'agnoz qoyulghanliqini élan qilghan.

Rahet aliyéf qazaqistan hökümiti teripidin jinayet bilen eyiblinip, awstriye hökümitidin izchil türde qazaqistan'gha qayturup bérish telep qilin'ghan shexs idi.

Azadliqning xewer qilishiche, nazarbayéf doxturxanidin chiqip, 21-iyul küni astanada iqtisadiy tereqqiyat mesilisige a'it bir yighinni achqan bolsimu, emma hazirghiche astana nazarbayéfning salametlik ehwali heqqide resmiy uchur tarqatmidi.

Nursultan nazarbayéf 20 yildin artuq waqit qazaqistanni idare qilmaqta, bu yil 4-ayda yene qaytidin prézidéntliqqa saylandi hemde bu öktichi küchler arisida naraziliqlarni qozghighan idi.