Ürümchi shehiri tengritagh rayoni neshr buyumlirigha qarita 'tazilash' élip bardi

Nöwette ürümchi shehiri tengritagh rayonluq hökümiti, öz rayoni teweside neshr buyumlirigha qarita tazilash élip barghan bolup, ürümchi shehirining hökümet torida körsitilishiche, héyt - bayram munasiwiti bilen élip bérilghan tazilashta yighiwélin'ghan neshr buyumliri 8 ming parchigha yétidiken.
Muxbirimiz jüme
2008-12-29
Élxet
Pikir
Share
Print

Xewerde körsitilishiche, bu qétimqi tekshürüsh asasen "qanunsiz neshr buyumliri" gha qaritilghan bolup, bu jeryanda 6200 orun tekshürülgen.

Melum bolushiche, yighiwélin'ghan neshr buyumliri ichide 2700 parche "qanunsiz" ün - sin plastinkisi, 3400 parche "qanunsiz" kitab, 1800 parche teshwiqat waraqliri bar iken.

Ürümchi shehiri tengritagh rayonida asasen Uyghurlar topliship yashaydighan bolup, köpligen Uyghurlarning döngköwrük, bulaqbéshi we konsul kochisi etrapida kitab yaymisi échip tirikchilik qilidighanliqi melum.

Halbuki, xewerde bu nöwetlik tekshürüshte yighiwélin'ghan neshr buyumlirining qanche pirsentini Uyghur tilidiki neshr buyumliri teshkil qilidighanliqi ashkarilanmighan.

Toluq bet