Нур бәкри бейҗиңда өзигә от қойған үзбекләрни әйиблиди

Бирләшмә агентлиқиниң бүгүн бейҗиңдин баян қилишичә, бейҗиңда нур бәкри бүгүн мухбирларға, 25‏ - феврал күни бейҗиңдики ваңфуҗиң кочисиниң тйәнәнмен мәйданиға киридиған доқмушида өзигә от қойған үч кишини 'өйини чеқип мәктәп салғанға нарази болуп, һөкүмәттин сәвәбсиз төләм тәләп қилди, йолсизлиқ қилди' дәп әйиблиди.

Б б с ниң баян қилишичә, нур бәкри өзигә от қойған кишини өзбек, исми һошур мәмәт, бу аилидә 4 җан болуп, униң үчи мейип, у 2002 ‏ - йилидин башлапла юқириға әрз сунуп кәлгән иди, бейҗиңда пикап ичидә олтуруп өзигә от қойған үч киши дәл мушу аилиниң үч адими, улар нәқ мәйдандила қутқузувелинди, һазир үчилиси һаят, бәлки аллиқачан айропилан билән үрүмчигә қайтуруп кетилди, дегән.

Шинхуа агентлиқиму бу һәқтә елан қилған хәвиридә өзигә от қойған кишини әйибләп 'һөкүмәт аллиқачан 400 миң йүән төләм бәргән болсиму, әмма улар йәнила һөкүмәттин әпу сорашни, хизмәт беришни, һәтта һөкүмәт үстидин әрз қилған чиқимларниму төләп беришни тәләп қилип йолсизлиқ қилип кәлмәктә' дегән.