Обама хитайниң пул қиммити мәсилисидә тохталди
Мухбиримиз ирадә
2010.09.20
2010.09.20
Франсийә агентлиқиниң хәвәр қилишичә, барак обама хитайниң һазир илгирикигә қариғанда бейиғанлиқини вә експорт миқдариниң техиму ашқанлиқини билдүрүп, хитайниң пул қиммитини әмәлийәткә асасән тәңшиши керәкликини тәкитлигән.
У, хитайниң һәр қетим еғизида "мақул" дәп, буни әмәлийәттә көрсәтмәйдиған позитсийисини өзгәртиши вә икки дөләт арисидики содида чоқум адиллиқ болуши керәкликини ейтқан.
Обама бу сөзләрни, хитай баш министири вен җябав америкидики дөләт зияритини башлаштин илгири оттуриға қойди. У йәнә, америкиниң бундин кейин сода қанунини техиму актип иҗра қилидиғанлиқини, америкилиқ карханичиларниң мәнпәәтини қоғдаш үчүн, хитайға бу җәһәттики бесимни ашуридиғанлиқини тәкитлигән.