Pakistan aliy sot mehkimisi dewager ömer Uyghur wexpi bilen jawabkar ichki ishlar ministirliqi wekillirini sotqa chaqirtti

Pakistan aliy sot mehkimisi dewager ömer Uyghur wexpi bilen jawabkar pakistan ichki ishlar ministirliqining wekillirini sotqa chaqirtqan.
Muxbirimiz shöhret hoshur
2012.01.30

Ömer Uyghur wexpi tapshuruwalghan chaqiriqnamide bayan qilinishiche, mushu ayning 31-küni yeni seyshenbe küni, dewager bilen bilen jawabkar sotta yüz körüshidu we terepler özlirining shikayet we shikayetke qarita jawablirini bayan qilishidu.

Ömer Uyghur wexpi mes'ulliri, özlirining isimliri ichki ishlar ministirliqi teripidin chégradin chiqishi cheklen'genler tizimlikige kirgüzülgenliki üchün, mezkur ministirliq üstidin ötken yilning otturilirida pakistan aliy sotigha erz sun'ghan.

Ötken ayda ministirliq sotqa yazma jawab ewetip, ömer Uyghur wexpining pakistan'gha qarshi heriket élip barghanliqi we amérikigha qachmaqchi bolghanliqini, shunga ularning chégradin chiqishining cheklen'genlikini bayan qilghan. Seyshenbe künidiki sotta, tereplerning bayanliri sotchilar teripidin yüzturane anglap ötilidu.

Bu sotta axirqi hökümning chiqidighan‏- chiqmaydighanliqi hazirche melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.