Pakistan térrorluq guruhlarni amérikigha qarshi kozir ornida qolliniwatqanliqini ret qildi

Lékin pakistan tashqi ishlar ministiri xina rabanni xar, jüme küni pakistan téléwiziye qaniligha söhbet élan qilip, mayk mullénning sözini tenqid qilghan we buning amérika -pakistan munasiwitige buzghunchiliq qilidighanliqini, buningdin amérikining ziyan tartidighanliqini bildürgen. U “Bir ittipaqdashqa, bir shérikke qilin'ghan bu xil ashkara tenqid we haqaret, hergiz qobul qilinmaydu” dégen.

Mayk mullén pakistan da'irilirining térrorchi guruhlarni amérikigha qarshi kozir ornida qolliniwatqanliqini ilgiri sürüshtin burun, d u q re'isi rabiye qadir xanim pakistanning qosh ölchem qollinip, reqiplirige qarshi térrorchi guruhlarni qollawatqanliqini bildürgen idi.

Rabiye xanim bu sözlerni pakistan prézidénti zerdarining yéqinda ürümchini ziyaret qilip, xitayning térrorluqqa qarshi kürishini qollaydighanliqini we uning bilen zich hemkarlishidighanliqini élan qilghanliqigha qarita éytqan.

Tünügün, amérika armiyisi shtab bashliqlar birleshmisining re'isi mayk mullén amérika dölet mejliside guwahliqtin ötüp, pakistan mushterek istixbarat mudiriyitining kabulda turushluq amérika elchixanisigha hujum qilish weqesige yardem qilghanliqini, pakistan jasusluq orgini buningdin burun yene, pakistan chégrisi ichidiki heqqaniy guruhining amérikigha qarshi élip barghan bir qanche qétimliq hujumigha yardem qilghanliqini ilgiri sürgen idi.