Pakistandiki militanlar xitay sayahetchi ayalni Uyghurlarning intiqamini élish üchün öltürgenlikini jakarlidi
Seyshenbe küni bir neper xitay ayal sayahetchi pishawerdiki bazarda ayliniwatqanda namelum kishining qoralliq hujumigha uchrap ölgen idi. Pakistan saqchi da'iriliri shu künidiki bayanatida qatillarning kimliki we ularning néme üchün bu xitay ayal sayahetchini öltürgenliki heqqide héchqandaq melumati yoqluqini bildürgen idi.
Bügün pakistanning darra adamxél rayonidiki taliban militanlirining bayanatchisi roytérs xewer agéntliqi arqiliq bayanat élan qilip, weqeni üstige aldi we bu heriketni xitay hökümiti Uyghur rayonida öltürüwatqan musulman qérindashlirining intiqamini élish üchün qilghanliqini bildürdi. Yuqiridiki bayanatning xitay da'iriliri qaghiliqta toqunush yüz bérip 20 kishining ölgenlikini élan qilishi bilen oxshash mezgilge toghra kélishi alahide diqqet qozghidi.
Pakistandiki taliban militanliri pakistan hökümitige qarshi heriket qilip kéliwatqan asasliq küch. Ular yene pakistan hökümiti bilen qoyuq alaqisi bolghan chet döletlerning puqraliri, organ we qurulushlirighimu köp qétim hujum qilghan.
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
- Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- En'giliyediki bir teshkilat en'gliyening Uyghur élidiki wehshilikke chétishliq xitay saqchi organliri bilen bolghan alaqisini pash qildi
