پاكىستاندىكى شىئەلەر رايونىدا ئۇدا ئىككى كۈن پارتلاش يۈز بەردى

پاكىستاننىڭ غەربىي شىمالىي قىسمىدىكى دېرا ئىسمائىل خان شەھىرىدە يەكشەنبە كۈنى پارتلاش يۈز بېرىپ 5 ئادەم ئۆلدى،خېلى كۆپ ساندا ئادەم يارىلاندى.
مۇخبىرىمىز ئۈمىدۋار
2012.11.25


ئەنگلىيە ب ب س ئاگېنتلىقىنىڭ خەۋەر قىلىشىچە شەنبە كۈنى بۇ شەھەردە بىر قېتىم پارتلاش ۋەقەسى يۈز بېرىپ، 8 ئادەم ھاياتىدىن ئايرىلغان بولۇپ، بۇنىڭ 7 نەپىرى بالا ئىكەن.

دېمەك بۇ شەھەردە ئۇدا ئىككى كۈن ئارقىمۇ - ئارقىدىن پارتلاش ۋەقەسى سادىر بولغان. خەۋەردە ئېيتىلىشىچە، مەزكۇر پارتلاشلارنىڭ ھەممىسى شىئەلەر رايونىدا يۈز بەرگەن بولۇپ، بەزى ئانالىزچىلار بۇ ھۇجۇملارنىڭ شىئەلەرگە قارىتىلغانلىقىنى قەيت قىلىشقان. شەنبە كۈنىدىكى ھۇجۇمنى تالىبانلار زىممىسىگە ئالغان، ئەمما يەكشەنبە كۈنىدىكى پارتلاشنىڭ ئىگىسى چىقمىغان.

بۇ قېتىمقى پارتلاشلار شىئەلەرنىنىڭ ئەنئەنىۋى خاتىرە كۈنىگە توغرا كەلگەن ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.