Паспорт беҗириштики йеңи бәлгилимә уйғурларниң диққитини қозғиди

Хитай җамаәт хәвпсизлик министирлиқи елан қилған, 2012-йил 1-сентәбирдин башлап, бейҗиң, шаңхәй, тйәнҗин, чуңчиң, гуаңҗу, шенҗин қатарлиқ алтә чоң хитай шәһиридә ишләватқан вә оқуватқан яқа юртлуқларниң паспортқа илтимас қилса болидиғанлиқи һәққидики уқтуруши уйғурларниң диққитини қозғиди.
Мухбиримиз меһрибан
2012-08-24
Share

Бейҗиңдики мәлум бир уйғур зиялийси уйғурбиз ториниң хәлқара бекитиниң зияритини қобул қилип, "һөкүмәт даирилириниң бу6 шәһәрдики башқа юртлуқларниң паспорт беҗиришигә яритип бәргән қулайлиқлиридин, уйғурларни чәттә қалдурмаслиқини үмид қилимиз" дегән.

Хитай вәзийитини көзәткүчиләр хитайда уйғурларниң паспорт беҗириши әң тәс икәнликини илгири сүрмәктә. Тор бекәтлиридики инкаслар вә радиомиз игилигән учурлардин мәлум болушичә, йеқинқи йиллардин буян хитай пуқралириниң паспорт беҗириши барғанчә асанлаштурулған. Әмма, уйғурларға қаритилған сиясәттә хитай даирилири түрлүк баһанә-сәвәбләрни көрситип, оқуш, һәҗ қилиш, туғқан йоқлаш қатарлиқ сәвәбләр билән чәтәлләргә чиқишни илтимас қилған уйғурларниң паспорт беҗиришигә қаритилған чәклимиләрни барғанчә күчәйткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт