Гуаңдуң өлкиси пәйзиват наһийисини җәнубий уйғур дияри бойичә әң чоң пахта базиси қилмақчи

Уйғур елиниң пәйзиват наһийиси гуаңдуң өлкисиниң ярдәм бериш нишани қилип берилгәндин буян мәзкур өлкә пәйзиват наһийисидә бир қатар паалийәтләрни қилмақта. Шинхуаниң хәвиригә асасланғанда, йеқинда гуаңдуң өлкиси пәйзиват наһийисиниң пахта теришқа қулайлиқ шараитидин пайдилинип, бу наһийини өзиниң пахта тоқумичилиқ санаитидики муһим хам әшя базисиға айландуруш пиланини иҗра қилишқа киришкән.
Мухбиримиз үмидвар
2010-10-03
Share

Гуаңдуң өлкисиниң әң чоң икки тоқумичилиқ ширкити һесаблинидиған "гуаңшиң" ташқи сода чәклик ширкәтләр гуруһи вә гуаңдуң "сүйхуа" кийим- кечәк вә тоқумичилиқ чәклик ширкити пәйзиват наһийиси билән бирлишип, үч тәрәпниң һәмкарлиқида йилиға 200 миң тай юқири сүпәтлик пахта ишләп чиқириш вә уни йөткәш мәркизи қурушқа тохтамлашқан..

Мәзкур пилан лайиһисигә 650 милйон йүән мәбләғ селинип, 3000 модин артуқ йәр ишләпчиқириш даирисигә киргүзүлгән. Дәсләптә 100 миң тай пахта тәйярлаш пилани 2011 - йилидин башлинидикән. Хәвәрдә ейтилишичә, гуаңдуң өлкиси пәйзиватта қурмақчи болған мәзкур база җәнубий уйғур дияридики әң чоң пахтикарлиқ, тәтқиқ қилиш вә йөткәш мәркизи болуп, гуаңдуң өлкисиниң тоқумичилиқ санаити үчүн пайдилиқ рол ойнайдикән.

Бу ишни қилиш үчүн гуаңдуң өлкиси бәш қетим мутәхәссисләрни қәшқәргә әвәтип, бу районниң пахта териш алаһидиликлирини тәтқиқ қилған һәмдә ахирида пәйзиватни җәнубий уйғур дияри бойичә әң чоң пахтикарлиқ базиси қилишни қарар қилған икән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.