ب د ت دا پەلەستىننىڭ دۆلەتلىك ئورنى ئېتىراپ قىلىندى

پەيشەنبە كۈنىدىكى خەلقئارا خەۋەرلەردە پەلەستىننىڭ ب د ت دا «نازارەتچى دۆلەت» بولۇش ئىلتىماسى قوبۇل قىلىندى.
مۇخبىرىمىز مېھرىبان
2012-11-29
ئېلخەت
پىكىر
Share
پرىنت

پەلەستىن رەھبىرى ئابباس 29-نويابىر پەيشەنبە كۈنى نيۇيوركتا ئېچىلغان بىرلەشكەن دۆلەتلەر تەشكىلاتى يىغىنىدا، پەلەستىننىڭ ب د ت غا ئەزا بولمىغان نازارەتچى دۆلەت بولۇشقا سۇنغان ئىلتىماسىنى قوللاشنى تەلەپ قىلىپ دوكلات بەردى. مەلۇم بولۇشىچە، ئابباسنىڭ بۇ تەلىپى ب د ت غا ئەزا بولغان 193 دۆلەتنىڭ 3 تەن 2 قىسمىنىڭ قوشۇلۇشى بىلەن پەلەستىننىڭ دۆلەتلىك ئورنى ئېتىراپ قىلىنىپ، ب د ت غا نازارەتچى دۆلەت بولۇش ئىلتىماسى قوبۇل قىلىنغان.

ياۋروپا دۆلەتلىرىدىن فرانسىيە تاشقى ئىشلار مىنىستىرى 27-نويابىر كۈنىدىكى يىغىندا بۇ ھەقتە پىكىر بايان قىلىپ، پەلەستىننىڭ مەزكۇر تەلىپىگە قوللاپ ئاۋاز بېرىدىغانلىقىنى بىلدۈرگەن ئىدى.

ئامېرىكا ئاۋازىنىڭ بۈگۈنكى خەۋىرىدىن مەلۇم بولۇشىچە، پەلەستىنگە نازارەتچى دۆلەت بولۇش سالاھىيىتى بېرىلىشى، گەرچە پەلەستىننىڭ ب د ت غا رەسمىي ئەزا بولغانلىقىدىن دېرەك بەرمىسىمۇ، ئەمما بۇ، پەلەستىنگە خەلقئارا سوت مەھكىمىسىگە ئەرز سۇنالايدىغان شارائىتنى يارىتىپ بېرىدىغانلىقى ئۈچۈن بۇ ئىلتىماسقا ئىسرائىلىيە ئۈزلۈكسىز قارشى تۇرۇپ كەلگەن.

پىكىرلەر (0)
Share
تولۇق بەت