Pichan nahiyiside kölimi 300 kwadrat kilométirgha yétidighan zor kölemlik kömürlük bayqalghan

Xewerde körsitilishiche, pichan nahiyisi tewesidin bayqalghan bu kömürlükning omumi kömür zapisi 23 milyard tonna bolup 13 qatlam kömür belwéghi bar bolup, bu kömürlükning kömür terkibide gunggurt, fosfor we kül miqdarining töwen bolush alahidilikige ige iken.

Melum bolushiche, xitayda 50 milyon tonna kömür zapisigha ige kömürlük chong kömürlük hésablinidighan bolup, Uyghur éli pichan nahiyisidin bayqalghan mezkur köwrükining kömür zapisi bu ölchemdin intayin zor derijide artuq.

Dunya Uyghur qurultiyi bayanatchisi dilshat réshitning bildürüshiche, pichan nahiyiside yene Uyghur ili boyiche kölimi birqeder chong bolghan tebiy gazliq, néfitlik we mermer tash kanliri bar bolsimu, emma bu bayliqlar biwaste halda gaz yötkesh turubiliri we qosh rélisliq yük poyizliri bilen xitay ölkilirige biwaste toshup kétilidighan bolghachqa yerlik Uyghurlargha qilchimu menpe'et élip kelmeydiken.

Uning bildürüshiche yene, xitay munasiwetlik da'irilirining Uyghur élining yer asti bayliqlirini qalaymiqan échip, tala - taraj qilishi netijiside Uyghur éli ékologiyisi éghir buzghunchiliqqa uchrighan.

Dilshat réshit bu heqtiki endishisini ipadilep: "bu nöwet turpandin bayqalghan kömürlükmu qalaymiqan échilish netijiside turpanning hayatliq menbesi bolghan yer asti süyini yaki karizlarning su menbesini bulghiwétishi mumkin. Eger shundaq bolsa pütün turpan wilayitidiki nechche milyon xelqning hayati tehdit astigha chüshüp qilidu. Aqiwette bu insaniyetke qilin'ghan jinayet shekillendüridu" dédi.