Йүз миңға йеқин адәм полша пайтәхти варшавада полша президенти қатарлиқ 96 кишигә матәм тутти

Шәнбә күни йүз миңға йеқин адәм полша пайтәхти варшавадики пилсудски мәйданиға йиғилип йеқинда йүз бәргән айропилан қазасида өлгән полша президенти қатарлиқ 96 кишигә матәм тути.
Мухбиримиз җумә
2010.04.17

Бирләшмә агентлиқида көрситишичә, матәм тутқучилар полша байриқи вә қара лентиларни көтүрүшкән болуп, мәйдан оттурисиға ясалған ақ рәңлик сәһнигә қаза қилған президент леч казйнскйниң чоңайтилған сүрити есилған икән.

Мурасимда айропилан қазасида өлгүчиләрниң исимлики үнлүк оқулған. Мурасимға сабиқ президент леч валеса, баш министир доналд туск, вә нөвәттики мувәққәт президент бронислав коморовски қатарлиқлар қатнашқан.

Мәлум болушичә, 1940 - йили апрелда сталинниң буйруқи билән 20 миң нәпәрдин артуқ полша офетсирлири һазирқи русийиниң катйн орманлиқида қирип ташланған.

Откән шәнбә күни полша президенти леч казйнскй вә униң аилә тавабиатлиридин тәркиб тапқан 96 нәпәр полша әмәлдари катйн қирғинчилиқиниң 70 йиллиқи үчүн русийигә бериш йолида айропилан қазасиға йолуққан иди.

Русийә даирилири полша президенти олтурған айропиланниң чүшүп кетиш һадисисини тәкшүрүватқанлиқи, әмма алаһидә нәтиҗигә еришәлмигәнликини билдүрди.

Мәлум болушичә, айропилан қазасиға учриғанларниң дәпнә мурасими йәкшәнбә күни өткүзүлидикән. Мурасимға русийә президенти дмитрий медведев вә америка президенти барак обаманиңму қатнишидиғанлиқи илгири сүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.