Қарамайда нефит ишчилириниң намайиш қилиш вәқәси йүз бәргән

Радиомизниң игилишичә, ишчилар нефит башқуруш идариси даирилириниң ишчиларни хизмәт орнидин айрилишқа мақул қилишта алдамчилиқ васитилирини қоллинип, ишчиларни хизмәт стаҗини сетишқа қаймуқтурғанлиқиға наразилиқ билдүргән.

Вәқәгә қатнашқан бир намайишчи пәйшәнбә күни радиомизға бәргән мәлуматида намайишниң чаршәнбә күни башланғанлиқини, пәйшәнбә күни 2 ‏- күнигә қәдәм қойғанлиқини билдүргән иди. Намайиш җүмә күни йәнә давамлашқан, лекин даириләрниң ишчиларға қандақ җаваб бәргәнлики мәлум әмәс.

Лекин, радиомизға мәлумат бәргән лю фамилилик юқириқи намайишчи ишчиларни қаймуқтуруп, стаҗини сетишқа мәҗбурлаш вәқәсиниң 8 миң нәпәр ишчиға четилидиғанлиқини билдүргән.

Юқириқи ишчи йәнә җуңго нефит ширкити 5 йил ичидә 3% ишчини қисқартишни оттуриға қоюлған болсиму, лекин қарамайда 30% ишчиниң қисқартилмақчи болғанлиқини илгири сүргән. Лекин қарамай шәһәрлик һөкүмәт ишханисидики даириләр болса вәқә тоғрисида тохтитлиштин өзини қачурған.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар