Хитайниң қәшқәрдики әмәлдари: икки йил ичидә йүз бәргән вәқәләр мөлчәрләп йәткүсиз зиян кәлтүрди

Мәркизи агентлиқиниң баян қилишичә, қәшқәрниң муавин валиси йе лин бүгүн қәшқәр йәрмәнкиси ахбарат йиғинида, йеқинқи икки йил ичидә қәшқәр районида йүз бәргән «террорлуқ» вәқәлириниң тәсири интайин чоң болди, ишлиримизға мөлчәрләп йәткүсиз еғир зиян кәлтүрди дегән.
Мухбиримиз вәли
2012-06-27
Елхәт
Пикир
Share
Принт


Бу хитай әмәлдариниң қаришичә, һазир қәшқәрниң вәзийити муқимлиққа қарап тәрәққи қиливатиду, милләтләр иттипақи яхшилиниватиду. Бу, юқириниң 32 маддилиқ муқимлиқни сақлаш тәдбири вә 24 маддилиқ қаттиқ қол болуш тәдбиригә асасән, йезиларға сақчи қоюш, учурларни шәһәр билән йезиларда бирла вақитта контрол қилиш, тәшәббускарлиқ билән һуҗум қозғаш чариси йолға қоюлғандин кейн қолға кәлгән нәтиҗә.

Хоңкоңда чиқидиған «миңбав» гезитиниң баян қилишичә, хитайниң қәшқәр валиси бу қетим йәнә, йеқинқи икки йил ичидә қәшқәрдә хитайниң күчмән сияситигә қарши йүз бәргән вәқәләрни, мәсилән, 2011 - йилидики «оттузинчи ийол вәқәси» вә 2012 - йилидики «йигирмә сәкиизинчи феврал вәқәси» қатарлиқ вәқәләрни, пакистанда һәрбий тәлим елип етиш, партлитишни өгинип кәлгән террорчилар пәйда қилди дейиш арқилиқ, уйғурлани йәнә бир қетим «террорчи» дәп тилға алған.

Пикирләр (0)
Share
Толуқ бәт