Qeshqerde 33 Uyghurning qolgha élin'ghanliqi xewer qilinmaqta
2012.06.28
Bügün dunya Uyghur qurultiyining bayanatchisi dilshat rishit, qeshqerde yéqinda eng az dégende 33 kishining bölgünchilikke qarshi turush we qanunsiz diniy pa'aliyetlerni cheklesh nami astida qolgha élin'ghanliqini, bularning arisida 4 ayalning barliqini bildürdi.
Dilshat rishit ependining éytishiche, bu kishiler qeshqer saqchi da'irilirining qeshqerde peyshenbe küni bashlan'ghan soda yermenkisining harpisida, yermenkining bixeterlikige kapaletlik qilish üchün élip barghan tutqun qilish, tazilash herikiti jeryanida bölgünchilikke a'it matériyallarni tarqitish we diniy qanunsiz diniy pa'aliyet qilish nami astida qolgha élin'ghan.
Radi'oyimizning qeshqerdin igiligen uchurlirigha qarighanda, qeshqerdiki bezi ismini ashkarilashni xalimighan kishiler tutqun qilish herikiti bolghanliqini delilligen. Ular yene qeshqerde hazir saqchilarning köpeytilgenlikini, saqchilarning qeshqerge kirip-chiqidighan éghizlarda Uyghurlarning kimlikini qattiq tekshürgendin sirt, xitaylarningmu kimlikini tekshürülüwatqanliqini inkas qilghan.