“қәшқәр йеңи базар вәқәси” дә зиянға учриған хитайларға ярдәм пули берилидиғанлиқи уқтурулди

Қәшқәрдә “йеңи базар вәқәси” йүз бәргәндин кейин, уйғур районлуқ һөкүмәт вәқәдин кейинки хизмәтләрни орунлаштуруш үчүн10 милйон йүән аҗратқан.
Мухбиримиз ирадә
2011.08.04

Қәшқәр вилайәтлик һөкүмәт бу һәқтә тарқатқан уқтуруштин мәлум болушичә, һөкүмәт даирилири“вәқәдә яриланғанларни давалаш хизмәтлиригә җиддий қарап, уни интайин әтраплиқ орунлаштурған” ниң сиртида, вәқәдә өлгәнләрниң аилә-тавабиатлири вә яриланғанларниң һәр биригә 200 миң йүәндин қутқузуш пули беридиғанлиқини елан қилған.

Икки йилниң алдида “үрүмчи вәқәси” йүз бәргәндиму хитай даирилири вәқәдә зиянға учриған хитайларға йүз миң йүәнләп қутқузуш ярдәм пули бәргән. Әмма, шу охшаш күндә һәм-7 июл қолиға төмүр тоқмақларни елип кочиларға чиққан хитайларниң уйғурлардин қисас елиш һәрикитидә яриланған яки өлгән уйғурларға һечқандақ төләм берилмигән, һәтта у уйғурлардин һечқандақ бир һөкүмәт рәһбири әһвал соримиған иди.

Әйни чағда хитай һөкүмитиниң мана бу пәрқлиқ муамилисиму уйғурлар арисида наразилиқ пәйда қилған.

Чәтәлләрдики уйғур паалийәтчилири хитай һөкүмитиниң уйғурларни өз пуқраси қатарида көрмәйдиғанлиқиниң мана шу төләм төләш мәсилисидиму ениқ оттуриға чиқиватқанлиқини, хитай һөкүмитиниң уйғурларға пәрқлиқ сиясәт йүргүзүватқанлиқини билдүрүшмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.