Қәшқәр кона шәһәр районидики аһалилар өйлиридин мәҗбурий көчүрүлмәктә

Тәңри тағ ториниң бу һәқтә бәргән хәвиридин ашкарилинишичә, қәшқәр шәһири бултур 4 ‏ - айда 3414 йүрүш өй қурулушиға иш башлап, һазирғичә 970 йүрүшни пүттүргән, бу йил 4 ‏ - айғичә бу 970 йүрүш өйгә кона шәһәр районидики өйи чеқилған аилиләр орунлаштурушни пилан қилған. Хәвәрдә йәнә бу йилниң ахирғичә 4622 аилини кона шәһәрдин йөткәп орунлаштуруш вәзиписиниң ишқа ашурулидиғанлиқи қарар қилинған.

Қоюқ милли алаһидиликкә игә, қәшқәр кона шәһәр райони өзгичә услубта селинған кона қурулуш шәкли билән пәрқлиқ болуп, мәзкур районда олтурақлашқан аһалилар, ата - бовилиридин қалған мираслирини сақлап қелиш үчүн, һөкүмәткә көп қетим илтимас сунған. Бирақ һөкүмәт "кона шәһәр райондики хәтәрлик өйләрни өзгәртиш тарихий вәзипә" дегән шоар астида аһалиниң наразилиқиға қаримай, райондики кона қурулушларни пүтүнләй чеқип йоқитиш хизмитини башливәткән.

Қәшқәр кона шәһәр районида ата - бовисидин қалған мирасқа варислиқ қилалмиғанлиқидин әпсусланған бир уйғур, истансимизға әгәр һөкүмәтниң буйруқиға көнмисә, кона шәһәр районидики өйиниң орниға берилгән бина өйдин қуруқ қалидиғанлиқини, һөкүмәтниң нөвәттә көчүшкә қошулмиған аһалиларни қаттиқ җазалаш чарилирини йолға қойғанлиқини билдүрди.