قۇمۇل شەھىرى يېنىدىن 300 مىڭ توننا زاپاسقا ئىگە مولبىدىن كېنى تېپىلدى

خىتاينىڭ شىنخۇا ئاگېنتلىقىنىڭ خەۋەر قىلىشىچە، خىتاي يەر ئاستى بايلىقلىرىنى تەكشۈرۈش دائىرىلىرى قۇمۇل شەھىرىنىڭ غەربىي جەنۇبى قىسمىدىن 300 مىڭ توننا زاپاسقا ئىگە مولبىدىن كېنى تاپقان بولۇپ، بۇ، خىتاي كان مەھسۇلاتلىرىنى قىدىرىپ - تەكشۈرۈش ساھەسىدىكى زور بۆسۈش ھېسابلىنىدىكەن.
ﻣﯘﺧﺒﯩﺮﯨﻤﯩﺰ ﺋﯜﻣﯜﺩﯞﺍﺭ
2010-06-06
Share

مەزكۇر قىممەتلىك يەر ئاستى بايلىقى تېپىلغان جاي قۇمۇل شەھىرىنىڭ غەربىي جەنۇبىدىكى يامانسۇ بازىرىنىڭ غەرب تەرىپىدىن 40 كىلومېتىر يىراقلىققا جايلاشقان بولۇپ، بۇ جايدا خېنەن ئۆلكىسىنىڭ گېئولوگىيىلىك قىدىرىپ تەكشۈرۈش دائىرىلىرى ئۈچ يىلىدىن ئارتۇق ۋاقىت تەكشۈرۈش ئارقىلىق ئاخىرى مەزكۇر مولبىدىن كانلىقىنى بايقىغان ھەمدە مەزكۇر كان بەلۋېغىدا تەخمىنەن 450 مىڭ توننىدىن ئارتۇق مولبىدىن زاپىسى بارلىقىنى، بۇ بايلىقنىڭ ئومۇمىي قىممىتىنىڭ 200 مىليارد يۈەندىن ئارتۇق ئىكەنلىكىنى ھېسابلاپ چىققان.

خەۋەردە ئېيتىلىشىچە، ھازىر قۇمۇل تەۋەسىدە قىدىرىپ تەكشۈرۈلگەن ئېنېرگىيە خاراكتېرلىق يەر ئاستى بايلىقلىرى سەككىز خىلغا، كان تۈرلىرى 55 خىلغا يەتكۈزۈلگەن بولۇپ، بۇلارنىڭ كۆپىنچىسى رەڭلىك مېتاللار، كەم ئۇچرايدىغان مېتاللار، خىمىيىۋى ۋە قۇرۇلۇش ماتېرىياللىرى قاتارلىق كۆپ خىل تۈرلەرنى ئۆز ئىچىگە ئالىدىكەن.

قۇمۇلدىن قېزىلىۋاتقان كۆمۈرمۇ زور سالماقنى ئىگىلىگەن بولۇپ، قۇمۇلنىڭ كۆمۈر مەھسۇلاتلىرى ئۇزۇندىن بۇيان غەربنىڭ كۆمۈرىنى شەرققە توشۇش پىلانى بويىچە ئىچكىرى خىتاي ئۆلكىلىرىگە توشۇلماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.