Jons xopkins uniwérsitétida ' qutadghu bilik' ning in'gliz tilida neshr qilin'ghanliqi munasiwiti yighin chaqirildi

10 - Iyun charshenbe küni, amérika paytexti washin'gton'gha jaylashqan jons xopkins uniwérsitétida, meshhur Uyghur alimi yüsüp xas hajipning " qutadghu bilik" namliq esirining in'gliz tilida qayta neshr qilin'ghanliqi munasiwiti bilen ilmiy muhakime yighin chaqirildi.
Muxbirimiz jüme
2009.06.10

Qutadghu bilikning yéngidin terjime qilin'ghan in'glizche nusxisi yuta walléy uniwérsitéti neshriyati teripidin neshr qilin'ghan.

Yighinda jons xopkins uniwérsitéti merkizi asiya - kawkaz instituti mudiri doktor frederichk starr we yuta welley uniwérsitétining mu'awin prézidénti doktor rusty butler qatarliqlar tebrik sözi qildi.

Mezkur yighin'gha yene Uyghur arxé'olog, qutadghu biliktiki pelsepiwi qarashlar boyiche tetqiqatlar élip barghan qurban weli ependimu teklip qilindi we ilmiy maqalisini oqidi.

Tarixshunas qurban weli ependi ilgiri Uyghur élide nurghunlighan qedimiy kitablarni tetqiq qilip neshr qildurghan bolup, u qutadghu bilik heqqidimu ilmiy maqale élan qilghan we ilmiy maqale uyushturush ishlirigha qatnashqan.
 
Bu nöwetlik yighinni jons xopkins uniwérsitéti merkiziy asiya - kawkaz instituti, amérika Uyghur birleshmisi, amérikida turushluq qirghizistan elchixanisi we yuta walléy uniwérsitéti birlikte uyushturghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.