Рабийә қадир: гуәнтанамодики уйғурларни йәрләштүрүшкә америка әң мувапиқ

Уйғур миллий һәрикити йетәкчиси рабийә қадир ханим, гуәнтанамодики уйғурларниң чоқум америкиға йәрләштүрүлүши лазимлиқини көрсәтти. У, бу сөзләрни йеңи зеландийидики зиярити җәрянда оттуриға қойған болуп, бирләшмә агентлиқида көрситишичә, рабийә қадир ханим мәзкур уйғурларниң йиллардин бери бигунаһ һалда гуәнтанамода йетиватқанлиқини, шуңа америкиниң улардин яхши хәвәр елиши лазимлиқини илгири сүргән.
Мухбиримиз җүмә
2009-10-14
Share

Рабийә қадир ханим мундақ дегән: "уларни йәрләштүрүшкә америка әң мувапиқ. Һеч болмиғанда буларни бир қисми болсиму америкиға орунлаштурулуши керәк."

Гуәнтанамода тутуп турулуватқан 17 нәпәр уйғурниң 4 нәпири бермудаға орунлаштурулғандин кейин, йәнә 13 нәпәр уйғурни атлантик окяндики арал дөлити палав җумһурийити қобул қилишқа қошулған иди.

Бу һәқтә тохталған рабийә қадир ханим, навада бу уйғурларниң һәммиси палавға беришқа қошулған болса, уларниң қарариға һөрмәт қилидиғанлиқини қошумчә қилған.

Илгири мәзкур уйғурларниң адвокатлириму уйғурлардин әң аз дегәндә 4 яки 8 нәпириниң палавға алдин йәрләштүрүлүши мумкинликини илгири сүргән иди.

Мәлум болушичә, рабийә қадир ханим йеңи зелландийидики зияритини ахирлаштуруп, 14 - өктәбир кәчқурун германийниң франкфорт шәһиридә өткүзүлидиған китаб йәрмәнкисигә қатнишиш үчүн йол алған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт