رامزان مەزگىلىدە ئاقسۇ شاياردىكى 21 مەسچىت دۆلەت بايرىقى ئېسىشقا، كادىرلار سۇ ئىچىشكە مەجبۇرلاندى

دۇنيا ئۇيغۇر قۇرۇلتىيى تەمىنلىگەن ئۇچۇرلار ھەم ئاقسۇ شايار ناھىيىسىدىن ئىگىلىگەن ئەھۋاللاردىن مەلۇم بولۇشىچە، بۇ يىل رامزان مەزگىلىدە شايار ناھىيىسىدىكى 21 مەسچىتكە ئومۇميۈزلۈك ئۇقتۇرۇش چۈشۈرۈلۈپ، رامزان مەزگىلىدە بارلىق مەسچىتلەرنىڭ ئۆگزىسىگە خىتاينىڭ دۆلەت بايرىقىنى ئېسىش ئۇقتۇرۇلغان.
مۇخبىرىمىز مېھرىبان
2011.08.16

باياناتچى دىلشات رىشىت شايار ناھىيىلىك ھۆكۈمەت دائىرىلىرىنىڭ رامزان مەزگىلىدە كادىرلار ھەم ئوقۇغۇچىلارنىڭ زورا تۇتۇشىنى چەكلەۋاتقانلىقىنى بىلدۈرۈپ مۇنداق دېدى.«رامزان باشلانغاندىن بۇيان شايار ناھىيىلىك ھۆكۈمەت دائىرىلىرى ناھىيە تەۋەسىدىكى كادىرلار ھەم ئوقۇغۇچىلارنى ھەر جۈمە كۈنى يىغىۋېلىپ، ئۇلارغا بوتۇلكىلىق ئىچىملىك سۇ تارقىتىپ بەرگەن. ئۇلارنى تاۋۇز قاتارلىق مېۋىلەرنى يېيىشكە مەجبۇرلاپ كادىرلار ھەم ئوقۇغۇچىلار ئارىسىدىكى روزا تۇتۇش ئەھۋالىنى تەكشۈرگەن.»

رادىئومىز جەنۇبىي ئۇيغۇر ئېلىدىن ئىگىلىگەن ئەھۋاللاردىمۇ، رامزان مەزگىلىدە قەشقەر، خوتەن، ئاقسۇ قاتارلىق جايلاردا ھۆكۈمەت كادىرلىرى ھەم ئوقۇغۇچىلارنىڭ روزا تۇتۇشى ھەم مەسچىتكە كىرىپ ناماز ئوقۇشى بىردەك چەكلەنگەن بولۇپ، يۈزىنى ياپقان روپاش ئاياللارنىڭ ياغلىقلىرى مەجبۇرىي ئېلىۋېتىلىپ، ئەرلەر ساقىلىنى چۈشۈرۈۋېتىشكە مەجبۇرلانغان.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.