Rusiye tashqi ishlar ministiri esed mesilisini muhakime qilmaydighanliqini bildürdi

Rusiye tashqi ishlar ministirlikining ashkarilishiche, lawrof “Esedening teqdiri mesilisi heqqide rusiye héchqandaq söhbet élip barmaydu” dep körsetken.

B b s agéntliqining xewer qilishiche lawrof, “Esedning teqdiri mesilisi emes, belki suriyidiki toqunushni qandaq hel qilish mesilisini muhakime qilish kérek” dep tekitligen. Emma, rusiye xitay bilen birliship, b d t ning süriye mesilisi heqqide qarar chiqirishini tosup kelgen idi.

Emma, közetküchiler yéqindin buyan rusiyining süriye mesilisidiki meydanida özgirish bolghanliqini perez qilishmaqta. 3 - Dékabir küni prézidént putin istanbulda tayip erdoghan bilen körüshkende “Rusiye süriyining adwokati emes” dep jakarlap, rusiyining esed hökümitini qollaydighanliqi heqqidiki qarashlarni ret qilghan idi.