رۇسىيە پويىز پارتلاش ۋەقەسى ئۈستىدە تېررورىزمغا قارشى تەكشۈرۈش ئېلىپ بېرىشقا باشلىدى

بىرلەشمە ئاگېنتلىقىنىڭ رۇسىيىنىڭ ئۇگلوۋكا شەھەرچىسىدىن خەۋەر قىلىشىچە، موسكۋا ۋاقتى 27‏ - نويابىر كەچ سائەت 21 دىن 30 مىنۇت ئۆتكەندە، موسكۋادىن سان پىترسبۇرگ شەھرىگە قاتنايدىغان 'نېۋسكى' بەلگىلىك 166 ‏- قېتىملىق پەۋقۇئاددە تېز پويىزدا پارتلاش يۈز بېرىپ، 600 يولۇچى ۋە 20 نەپەر پويىز خىزمەتچىسى بار 3 ۋاگۇن رېلىستىن چىقىپ كېتىپ، 26 ئادەم ئۆلدى. يۈزدەك ئادەم يارىلاندى.