Санҗидики бир көмүр кенида һадисә йүз берип, 6 адәм өлди

Санҗидики хуңшиң намлиқ бир көмүр кенида сәйшәнбә күни һадисә йүз берип, 6 адәм өлгән, 6 адәм яриланған. Һадисә йүз бәргән кан тудунхабада болуп, санҗи шәһиригә 70 километир келиду.
Мухбиримиз әркин
2012-08-29
Елхәт
Пикир
Share
Принт

Хитай көчмәнлириниң башқурушидики мәзкур хусуси көмүр кени йилиға 90 миң тонна көмүр ишләпчиқириш иқтидариға игә. Шинхуа агентлиқиниң көмүр кан даирилиридин нәқил кәлтүрүп хәвәр қилишичә, һадисә ишчилар қудуқ астида мәшғулат елип бериватқанда йүз бәргән болуп, қутқузуш хадимлири қудуқ астидин 6 җәсәтни қезип чиқарған. яриланған 6 киши болса, әтраптики дохтурханиға елип берилған. Лекин хитай ахбарат васитилириниң хәвәрлиридә һадисиниң келип чиқиш сәвәби тилға елинмиған.

Хитай дунядики көмүр канлирида вәқә йүз берип, адәм өлүш әһвали әң еғир дөләт. Санлиқ мәлуматлардин мәлум болушичә, хитайда йиллиқ қезивелинған көмүр дунядики йиллиқ қезивелинған омуми көмүр миқдариниң тәхминән 30% ини игилисиму, бирақ һәр йили көмүр кан вәқәлиридә өлгән адәм саниниң 70% ни игиләйду.

Хитай даирилириниң ашкарилишичә, 2011-йили хитай бойичә 1973 киши көмүр кан вәқәсидә өлгән. Бирақ, даириләр бу йил үнүмлүк тәдбир қоллинип, бихәтәрлик ишләпчиқиришни күчәйткәнликтин, 2011-йили көмүр кан вәқәсидә өлгәнләрниң алдинқи йилқидин 19% азайғанлиқини илгири сүрмәктә. Хитай һөкүмити 5-июл вәқәсидин кейин, ғәрбниң токини шәрққә йөткәш пиланини оттуриға қоюп, уйғур елидә көмүр електр истансилирини кеңәйтип қурушқа башлиған иди.

Көзәткүчиләрниң илгири сүрүшичә, бу қурулуш көмүргә болған еһтияҗни ашурған. Муһит вәйранчилиқини тезлитип, райондики әзәлдинла бихәтәрлик ишләпчиқириш асаси әслиһәси начар көмүр канлирида вәқә йүз бериш еһтималлиқини күчәйтивәткән.

Пикирләр (0)
Share
Толуқ бәт