Ürümchi bilen sanjidiki 2 xitay shirkitining xadimliri arisida toqunush yüz bergen

Tengritaghning xewer qilishiche, toqunush ikki shirketning paxta talishishi netijiside kélip chiqqan. Melum bolushiche, xu'achün shirkiti bu yil 9 ‏- ayda dosbay shirkiti bilen toxtamliship, dosbay shirkitining paxta zawutini sétiwalghan. Toxtam boyiche, dosibay shirkiti zawut üskünliri we paxta sétiwélish hoquqini xu'achün shirkitige ötküzüp bergen. Emma, paxta sétiwélish mezgili kelgende mezkur shirket paxta sétiwélishtin waz kechmigen.

Dosibay shirkiti 8 milyon yüen qimmitidiki paxtini zawuttin yötkep sétishqa bashlighanda, xu'achün shirkitining xadimliri zawutqa bésip kelgen؛ buning bilen ikki terep ishchi-xizmetchiliri arisida toqunush yüz bérip, xu'achün shirkitining 5 xadimi éghir yarilan'ghan.

Xotenning qarataghiz yézisidiki déhqanlar özliri ishlepchiqarghan paxtini özliri sétish hoquqini telep qilip, béyjingda erz qilip yürgen bu künlerde, xitay shirketlirining öz ‏- ara paxta taliship jédellishishi Uyghur rayonining milliy we iqtisadiy weziyitidiki murekkepchilikni bashqa bir nuqtidin körsitip bermekte.