Xitayda saxta üzüm hariqi yasash weqesi yüz berdi

Xitayning xébéy ölkiside 6 adem saxta üzüm hariqi yasash gumani bilen qolgha élin'ghan we bir nechche zawut taqalghan.
Muxbirimiz jüme
2010.12.27

Xitaydin chiqidighan "yershari waqit géziti" ning düshenbe kündiki xewirige qarighanda, weqe xitaydiki üzüm hariqi yasash bazilirining biri bolghan xébéy ölkisi changli shehiride yüz bergen.

Melum bolushiche, mezkur gumandarlar özi yasighan ichimliklerge shéker, su we ximiyilik qoshulmilarni arilashturup, dangliq markilarni chaplap bazargha salghan.

Xewerde neqil qilishiche, mezkur ichimlikler ademde bash aghriqi, yürek qalaymiqan soqush qatarliq alametlerni keltürüp chiqiridiken.

Nöwette mezkur zawutlardin 5 ming shéshe üzüm hariqi musadire qilin'ghan.

Xitayda her yili chaghan mezgilide saxta haraqta zeherlinip ölüsh hadisisi yüz béridu. Xitay hökümiti 2008- yilidiki zeherlik süt parashoki weqesidin kéyin, xitayda yémeklik süpitini qattiq kontrol qilidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.