Yaponiye xitay herbiy paraxodining yaponiye déngiz tewelikide parakendichilik qilghanliqini eyiblidi

Xitayning sherqiy déngizda charlash élip baridighan “Jyangwéy” namliq herbiy paraxoti 30-yanwar küni etigen sa'et 10 lar etrapida 3 kilométir ariliqtin yaponiye déngiz qoghdighuchi etritining “Shili” namliq paraxotigha radarni kontrol qilish topi atqan.
Muxbirimiz méhriban
2013.02.05

Undin bashqa, xitay déngiz armiyisining “Jyangkey” namliq herbiy paraxotimu 19-yanwar chüshtin kéyin 5 ler etrapida yaponiye déngiz qoghdighuchi etritining “Dapo” namliq paraxotidiki tik uchar ayropilaninimu radar arqiliq nishan'gha alghan idi. Yaponiye dölet mudapi'e ministiri itsonori onodéra bu munasiwet bilen ilgiri xitay terepni öz qilmishigha diqqet qilishini agahlandurghan.

Yéqindin buyan sénkaku arallirining igilik hoquqi mesilisi seweblik xitay bilen yaponiyining munasiwitide jiddiylik dawamlishiwatmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.