Shangxey shehiride nechche onminglighan ishchilar ish tashlidi

Xitayche tor betliridin musteqil obzorlar tor békiti hem boshün qatarliq tor betlirining bügünki xewiridin melum bolushiche, 20-aprél küni etigen shangxey shehiridiki nechche on minglighan yük aptomobil shopurliri, préstan ishchiliri hökümetning néfit gazi bahasini östürgenliki hem her xil resmiyet heqlirining östürülgenlikige naraziliq bildürüp, ish tashlap namayish qilghan.
Muxbirimiz méhriban
2011.04.20

Boshün tor békitining xewer qilishiche, shangxey yük aptomobil ishchilirining ish tashlap namayish qilghanliqi heqqidiki xewer shangxeydiki birnechche kichik gézitlerde bérilgendin bashqa, hökümetning shinxu'a agéntliqi qatarliq chong xewer agéntliqlirida bu heqte héchqandaq melumat bérilmigen.

 Musteqil obzorlar tor békitining xewiride déyilishiche, shangxey sheherlik hökümet namayishni basturush üchün 7 ming 300 neper saqchi, 70 tin artuq saqchi aptomobili ewetken. Namayish jeryanida ish tashlap namayish qilghan ishchilar bilen saqchilar arisida toqunush yüz bergen.

Texminen 70tin artuq ishchi qolgha élin'ghan.

Éniqsiz melumatlargha asaslan'ghanda, bügünki namayishta namayishchilardin 3 kishi ölgen, saqchi tereptin ikki saqchi éghir yarilan'ghan, 5 nepiri yénik yarilan'ghan.

Melum bolushiche namayish jeryanida yene bezi aptomobillar köydürüwétilgen bolup, bu namayish xitayda yasimen güli herikiti bashlan'ghandin buyanqi kölimi eng zor namayish hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.