Shangxeyde ot apitide doxturning qéchishi bimarning ölümige seweb boldi

Aldinqi küni shangxey sheherlik 3-doxturxanida ot apitining alamiti körülüp, bir doxturning bimarni tashlap qéchishi, bimarning ölümige seweb bolghan.
Muxbirimiz shöhret hoshur
2011-08-26
Share

Birleshme agéntliqning bügün bu heqtiki xewiride bildürülüshiche, shu küni doxturxanidiki bir dézinféksiye mashinisigha ot tutushup, doxturxanida alaqzadilik peyda qilghan. Séstralardin biri ot tutashqan mashinini su sépip öchürelmigendin kéyin, doxtur we séstralar doxturxanidin qachqan.

Bu jeryanda bir puti késip tashlinish opératsiyisi qiliniwatqan bir bimarmu opératsiye üstilide yérim sa'et yalghuz qalghan. Ot öchürüsh xadimliri meydan'gha yétip kélip otni öchürgendin kéyin, doxturlar ishxanilirigha qaytip kirgen. Emma bu chaghda opératsiye üstilidiki bimar jan üzüp bolghan.

Doxturxana bügün bu heqte bayanat élan qilip, özlirining xataliqini étirap qilghan we weqening jawabkarliqini toluq üstige alghan.

Weqening xewerlerdiki tepsilati, eslide ot apiti alamitining unchiwala derijide xeterlik emeslikini hem doxturlar qachqanda bimarning hayatiy bixeterlikini qoghdap qélish mumkinchilikiningmu barliqini körsetmekte.

Közetküchiler weqeni yalghuz xitay jem'iyitidiki kespiy exlaq mesilisila emes, insaniy exlaq jehettiki ajizliq mesilisi dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet