D u q shawgüendiki irqiy hujumning 3 - yilliqi munasiwiti bilen doklat élan qildi

Dunya Uyghur qurultiyi shawgüendiki irqiy hujumning 3 - yilliqi munasiwiti bilen 25 - iyun küni doklat élan qilip, xitay hökümitining Uyghurlargha qaratqan milliy kemsitish siyasitini eyiblidi.
Muxbirimiz méhriban
2012.06.26
Share on WhatsApp
Share on WhatsApp


Dunya Uyghur qurultiyi teshwiqat komitéti élan qilghan bu doklatta, 2009 - yili yaz peslide ürümchide yüz bergen, xelq'arada zor tesir qozghighan 5 - iyul ürümchi weqesige biwasite sewebchi bolghan 26 - iyun shawgüen weqesi qayta eslep ötülüp, xitay hökümitining Uyghurlargha qarita yürgüzüwatqan irqiy kemsitish siyasiti eyiblendi.

Doklatta yene, 3 yil burun yüz bergen shawgüendiki irqiy hujumning mahiyiti we xaraktérini dunya jama'etchilikige pash qilishning ehmiyiti heqqide toxtilip, bu weqening xitay hakimiyitining Uyghur xelqige qarita yürgüzüp kelgen irqiy ayrimichiliq, irqiy qirghinchiliq we keng kölemde tutqun qilish, öltürüsh qilmishlirining janliq ispati ikenliki tekitlinip, xelq'ara insan heqliri teshkilatliri hem démokratik ellerni xitay hökümitining milliy zulumi astida éziliwatqan Uyghur xelqining heqiqiy ehwalini körüshke hem xitaygha bésim ishlitishke chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.