Xitayda shi jinping dewri bashlandi

Shi jinping xitay kompartiyisining bash sékrétarliqini resmiy tapshurup aldi. Kishining diqqitini qozghaydighan yéri, shi jinping oxshash waqitta yene herbiy hoquqnimu qoligha alghanliqi. Bu nuqtidin qarighanda, sabiq xitay re'isi xu jintaw, ding shawping we jyang zémindin perqliq halda herbiy hoquqni derhal ötküzüp bergen rehbiri bolup qaldi.

Peyshenbe küni etigende tizimlik resmiy élan qilin'ghandin kéyin, shi jinping we lé kéchyang qatarliq yéngi rehberlik guruppisi muxbirlarni kütüwélish yighini ötküzgen. Shi jinping peyshenbe kündiki sözide: partiye ichide tüzitilishi kérek bolghan nurghun mesililer bar, bolupmu chiriklik, xelqtin ayrilip qélish, byukratliq tüzitilishi kérek, dégen.

Ichki qisimdiki nurghun siyasiy küreshlerdin kéyin békitilgenliki texmin qiliniwatqan shi jinpingning qandaq siyaset yürgüzidighanliqi közetküchiler eng qiziqiwatqan bir nuqta. Uning yash bolushi, chet'ellerde turghanliqi we kishiler arisida “Semimiy” dep tonulushidek amillar uning perqliq bir lidér bolushini arzu qiliwatqanlarni ümidlendürsimu, emma yene bezi közetküchiler, shi jinpingning özi yalghuz tüptin özgirish qilalmaydighanliqini, buning üchün pütün sistémining özgirishi kéreklikini bildürmekte.