Хитайниң шветсийидики уйғурларға қаратқан тәқибләшни күчәйткәнлики ашкариланди

Хитайниң шветсийидики әлчиханиси бу дөләттә яшаватқан уйғурларни тәқиб қилишни күчәйткән.
Мухбиримиз ирадә
2012.06.28

Шветсийә радиоси бүгүн елан қилған хәвиридә, шветсийидики хитай әлчиханисиниң һазир шветсийидә панаһлинишни тәләп қиливатқан уйғурларға аит материялларни қолға чүшүрүш арқилиқ, бу кишиләрниң уйғур елидики аилә-тавабиатлириға тәһдит селиватқанлиқини билдүрди.

Хәвәрдә нәқил қилинишичә, шветсийидики хитай әлчиханиси йәнә бәзи уйғурларни өзлири үчүн хизмәт қилип, уларни уйғурларниң паалийәтлирини хәвәр қилип турушқа қистиған әһвалларму көрүлгән. Хитай әлчи пи лиҗүн шветсийә радиосиниң бу һәқтики соалиға җаваб берип, бундақ әһвалниң барлиқини рәт қилған.

Хитай даирилириниң шветсийидики паалийәтлири илгириму шивит даирилириниң диққитини тартқан иди. Шветсийә сақчи органлири бабур мәхсутни уйғурлар үстидин ишпийонлуқ қилғанлиқи үчүн қолға алған. Өткән йили йәнә хитай әлчиханисиниң бир хадимини җасуслуқ қилғанлиқи үчүн чеградин қоғлап чиқарған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.