Dunya Uyghur qurultiyi shiwétsye hökümitini Uyghur musapirlarni qayturmasliqqa chaqirdi

Radi'omiz 19 - chésladiki xewiride panahliq telipi ret qilin'ghan merhaba dilmurat we tughluq himit qatarliq ikki Uyghurning shwétsiyidin jiddiy qayturulush xewpide turulghanliqini xewer qilghan idi.

Melum bolushiche, merhaba dilmurat xitay hökümitining sherqiy türkistandiki basturush siyasitige qarshi meydanini ipadiligen bolsa, tughluq himit 2009 - yilidiki 5 - iyul namayishigha qatnashqan iken.

Bayanatta neqil qilishiche, “Dunya musapirlar küni” ning xelq'ara qanunlar boyiche musapirlarni qoghdashni eske salidighan bir kün ikenlikini körsetken Uyghur milliy herikiti rehbiri rabiye qadir xanim mundaq dégen: men shiwétsye hökümitining insaniy burch nuqtisidin merhaba dilmurat we tughluq himitning xitaygha qayturush mesilisini qayta oylishishni telep qilimen.

Melumatlargha qarighanda, shwétsiyide yene panahliq mesilisi hel bolmighan melum sanda Uyghur musapirlar bar bolup, shwétsariye hökümiti 2012 - yili yanwarda ikki neper Uyghurni xitaygha qayturghan iken.