سىچۈەن ئۆلكىسىدە يەنە ياپونىيىگە قارشى نامايىش ئۆتكۈزۈلدى

شەنبە كۈنى سىچۈەن ئۆلكىسىدە يۈزلىگەن خىتاي پۇقراسى يەنە ياپونىيىگە قارشى نامايىش ئۆتكۈزدى. فرانسىيە ئاگېنتلىقىنىڭ نامايىش گۇۋاھچىلىرىنىڭ ئېيتقانلىرىدىن نەقىل ئېلىپ كۆرسىتىشىچە، نامايىش، سىچۈەن ئۆلكىسى دېياڭ شەھىرىدە ئېلىپ بېرىلغان بولۇپ، نامايىشقا ئاساسلىقى ئۇنىۋېرسىتېت ئوقۇغۇچىلىرىنى ئۆز ئىچىگە ئالغان بىر مىڭ ئەتراپىدا ئادەم قاتناشقان.
ﻣﯘﺧﺒﯩﺮﯨﻤﯩﺰ ﺟﯘﻣﻪ
2010.10.23

ئۆتكەن بىر نەچچە ھەپتىدىن بۇيان خىتاينىڭ بىر قىسىم شەھەرلىرىدە سېنكاكۇ مەسىلىسىدە ياپونىيىگە قارشىلىق بىلدۈرۈش نامايىشلىرى ئېلىپ بېرىلغان ئىدى.

بۇ يىل سېنتەبىردە ياپونىيە دېڭىز قوغدىغۇچىلىرى ياپونىيىنىڭ سېنكاكۇ ئارىلىغا يېقىنلاپ كەلگەن خىتاي بېلىقچى كېمىسىنىڭ كاپىتاننى 17 كۈن تۇتۇپ تۇرغاندىن كېيىن، قويۇپ بەرگەن ئىدى. بۇ خىتاي - ياپونىيە مۇناسىۋەتلىرىنى ئېغىر دەرىجىدە يىرىكلەشتۈرگەن.

مەلۇم بولۇشىچە، خىتاي دائىرىلىرى خۇنەن ئۆلكىسىنىڭ چاڭشا ۋە سىچۈئەننىڭ دېياڭ شەھەرلىرىدە ئوقۇغۇچىلارنى ياپونغا قارشى نامايىشتىن توسۇپ قېلىش ئۈچۈن، ھەپتە ئاخىرىدا دەرس ئورۇنلاشتۇرغان. ھالبۇكى، دېياڭ شەھىرىدە نامايىش يەنىلا ئېلىپ بېرىلغان.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.