Stokholimda partlash weqesi yüz berdi

Yekshenbe küni shwétsiyining stokholm shehirining merkiziy kochilirining biride partlash weqesi yüzbergen. B b s agéntliqining bu heqtiki xewiride éytilishiche, ademler zich jaylashqan jayda arqimu-arqa ikki qétim partlash bolghan bolup, bir adem ölgen, ikki adem yarilan'ghan.
Muxbirimiz ümidwar
2010.12.12

Stokholm saqchi da'iriliri bu partlashlarning hemmisining mashinida yüzbergenlikini ashkarilighan bolup, birinchi qétimliq partlashning küchi anche chong bolmighan, emma ikkinchi qétimliqining küchi bir qeder chong bolup, sitokholm saqchilirini buning özini qoshup partlitish weqesi ikenlikini jezmleshtürgen.

Rozdéstwo bayrimi yétip kélishke az qéliwatqan bu künlerde sitokholmda yüzbergen mezkur partlashning térrorluq xaraktéri barliqi otturigha qoyulmaqta. Gerche sitokholmdiki partlash weqesining kölimi zor bolmisimu, biraq buning, kishilerning térrorluq hujumigha uchrash éhtimalliqi barliqi heqqidiki ghulghulilirining köpiyishige seweb bolghanliqi yézilmaqta.

Biraq, shwétsiye saqchi da'iriliri weqeni tepsiliy éniqlimay turup, bu ish heqqide yekün chiqirishni xalimaydighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.