57 Dölet b d t bixeterlik kéngishidin süriyini xelq'ara sotqa tapshurushni telep qildi
2013.01.14
Shwétsariye teripidin hazirlan'ghan bu telepnamide, süriyide yüz bériwatqan qirghinchiliqning urush jinayitige, insaniyetke qarshi jinayetke yatidighanliqi bildürüp, süriye mesilisining, xelq'ara sot mehkimisige tapshurulushi we mezkur sot teripidin süriyidiki urush jinayetliri üstidin tekshürüsh élip bérilishi telep qilin'ghan.
Melum bolushiche, bu telepnamige asasliqi yawropa döletliri, uningdin bashqa awstraliye, yaponiye, tinch okyan we afriqidiki bir qisim döletler imza qoyghan؛ xitay bilen rusiye mezkur telepnamige imza qoyushni ret qoyghan.
Roytirisning bügünki bu heqtiki xewiridin melum bolushiche, telepname bixeterlik kéngishige sunulghan bolsimu, téxi muzakire basquchigha kelmigen. Shwétsariye tashqi ishlar ministiri bügün bu heqtiki sözide, xitay bilen rusiyining süriye mesiliside uzundin buyan kashila peyda qiliwatqanliqini tilgha élip, bu ikki döletni adalet üchün towlan'ghan bu chaqiriqqa qulaq sélishqa chaqirghan.