Сүт парашокидин зәһәрләнгәнләр сани 53 миңға йеқинлашти

Ройтерста хәвәр қилинишичә, бовақлар сүт парашокидин зәһәрлинип өлгәнләр сани 4 кә йәткән һәмдә буниңға әгишип нурғунлиған асия әллиридә хитайдин импорт қилинған сүт парашоки вә сүт мәһсулатлирини сетишини тохтитиш долқуни әвҗигә чиққан.

Хәвәрдә нәқил елип көрситилишичә, сүт парашокидин зәһәрлиниш кризисиниң чоңқурлишишиға әгишип хитай сүпәт тәкшүрүш идарисиниң башлиқи ли чаңҗяң хизмитидин истепа беридиғанлиқини җакарлиған.

Бирләшмә агентлиқиниң бу һәқтики хәвиригә қариғанда, хитай сәһийә министирлики сүт парашокиға қошулған химийилик мадда меламин билән зәһәрләнгән сани илгирики 6244 нәпәрдин 53 миң нәпәргә йәткән болуп, буларниң ичидә 104 нәпәр бовақниң әһвали бир қәдәр еғир икәнликини билдүргән.

Меламин әсли пластик материялларни ишләп чиқиришта ишлитилидиған химийилик мадда болуп, навада уни адәм истемал қилса бөрәккә таш пәйда қилидикән һәмдә буниңдин һасил болған ушшақ зәрричиләр бөрәктики қилдан томурларни етивелип адәм һаятиға хәвп елип келидикән.

Бүгүнки хәвәрләргә қариғанда, сингапор, хоңкоң, тәйвән қатарлиқ дөләт вә районлар хитайдин сүт мәһсулатлирини импорт қилишни тохтатқан.