Тарим нефитликидә йәнә зор миқдарда нефит записи байқалди

Уйғур елидики тарим нефитликидә йәнә зор миқдарда нефит записи байқалди. 12 - Феврал шинхуа агентлиқида көрситишичә, бу нөвәт байқалған нефит записи суюқ нефит болуп, җәмий 100 милйон тонниға йетидикән.
Мухбиримиз җүмә
2010-02-13
Share

Бу нефит записини хитай дөләт игидарчилиқидики нефит ширкити - җуңго нефит химийә санаити чәклик ширкити ғәрбий шимал тармиқи байқиған.

Мәлум болушичә, мәзкур нефитликни ечиш 2015 - йили башлинидиған болуп, йилиға 10 милйон тонна нефит ишләп чиқирилидикән.

Тарим нефитликидә тәбиий газ записиму интайин мол болуп, хитайниң шәрқий қирғиқидики шәһәрләрни газ билән тәминләйдиған "ғәрбниң газини шәрққә йөткәш тәбиий газ туруба линийиси" тарим нефитликидин башлиниду.

Хәвәрдә ашкарилишичә,, "ғәрбниң газини шәрққә йөткәш туруба линийиси"дин күнигә тошулидиған тәбиий газ миқдари 190 милйон куб метирдин ашидикән.

Мәзкур нефитликтин 2009 - йили 6 милйон 600 миң тонна хам нефит вә 1 милярд 345 милйон куб метир тәбиий газ тошуп кетилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.