' Тәйвән - хитай сиясити тәйвән хәлқиниң райини синаш асасида вуҗудқа чиқиши керәк '

Тәйвән хитай билән имзалаш алдида турған сода келишиминиң, тәйвән хәлқиниң райини синаш асасида һасил қилиниши лазимлиқини тәшәббус қилидиған бир қисим тәйвәнлик паалийәтчиләр, йәкшәнбә күни намайиш башлиди.
Мухбиримиз җумә
2009-11-09
Share

Франсийә агентлиқида көрситилишичә, йәкшәнбә күнидики намайишқа 1000ға йеқин адәм қатнашқан. Мәлум болушичә мәзкур намайишни тәйвән хәлқ игилик һоқуқи һәрикити тәшкилати орунлаштурған болуп, намайиш тәйвәнниң һәрқайси шәһәрлиригә пиядә йүрүш қилиш шәклидә елип берилидикән.

Ма йиңҗу һакимийәт бешиға чиққандин кейин, хитайға қарита достанә сиясәт йүргүзгән вә хитай билән сода мунасивәтлирини илгири сүридиғанлиқини илгири сүргән иди.

Нәтиҗидә хитай билән тәйвән арисида "иқтисади һәмкарлиқ қурулмиси келишими" тонуштурулған болуп, мәзкур келишимгә келәр йили имза қоюлидиғанлиқи илгири сүрүлмәктә.

Хәвәрдә нәқил қилинишичә, хәлқ игилик һоқуқи һәрикити тәшкилатиниң әзаси чен чензи ханим, тәйвән -хитай мунасивәтлиридики һәр қандақ сиясәтниң тәйвән хәлқиниң райини синаш асасида вуҗудқа чиқирилиши керәкликини оттуриға қойған.

Тәйвән хәлқ игилик һоқуқи һәрикити тәшкилати, мәзкур келишим мәзмунлириниң җамаәттин хупиянә тутулғанлиқини илгири сүргән. Шуңа мәзкур тәшкилат келишим һасил қилиштин илгири, келишим мәзмунлирини тәйвән хәлқиниң мақуллуқидин өткүзүш лазимлиқини тәкитлигән вә һөкүмәтниң мәзкур келишим һәққидә омуми хәлқ райи синаш паалийити елип бериши лазимлиқини тәләп қилип 50 күнлүк пиядә йүрүш һәрикити башлиған. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт