Җүмә күни йәнә икки тибәтлик өзигә от қоюп, хитай һөкүмитигә наразилиқ билдүргән

Тибәт тәшкилатлириниң билдүрүшичә, сичүәнниң тибәт районида җүмә күни йәнә икки тибәтлик өзигә от қоюп, хитай һөкүмитигә наразилиқ билдүргән. Буларниң ичидә бири өлгән болуп, йәнә бирини хитай сақчилири елип кәткән.
Мухбиримиз җүмә
2012.03.31
Share on WhatsApp
Share on WhatsApp

Лондонға җайлашқан “әркин тибәт тәшкилати” вә дарамсаладики тибәт раһиблири бу вәқәниң растлиқини илгири сүргән. Бу раһибларниң бириниң исми тәнпа дарҗәй, йәнә бириниң исми чимәй палдән болуп, улар маеркаң йәни бархам шәһиригә 80 километир келидиған җайдики бир ибадәтханидин кәлгән икән.

Әгәр бу икки тибәт раһибиниң өзигә от қойғанлиқи дәлилләнсә, шу хил усулда хитай һөкүмитигә наразилиқ билдүргән тибәтләрниң сани 30 дин ешип кетиду.

Чаршәнбә күни бир тибәт раһиби һиндистан пайтәхти йеңи деһлидә хитай президентиниң һиндистан зияритигә үлгүртүп өзигә от қоюп, хитай һөкүмитигә наразилиқ билдүргән вә һаятидин айрилған иди.

Җүмә күни һиндистандики тибәтләр дағдуғилиқ мурасим өткүзүп бу раһибни дәпинә қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.