Xitay ikki tibetlikni “Bashqilarni özini köydürüshke küshkürtti” dep qarilap sotqa tartti

Xitay metbu'atigha qarighanda lorang konchok we uning newre inisi lorang tséring “8 Tibetlikni özini köydürüshke küshkürtken” dep qarilan'ghan.

2009 - Yilidin buyan yüzge yéqin tibetlik xitayning tibet siyasitige naraziliq bildürüp, özige ot qoyup qarshiliq körsetken.

Xitay da'iriliri tibet siyasitige qayta qarap chiqishning ornigha, barliq gunahni tibet sergerdan hökümiti we dalay lamagha dönggigen idi.

Közetküchilerning qarishiche, xitayning yuqiriqi ikki tibetlikni sotqa tartishimu yenila gunahni bashqilardin izdesh xahishigha yatidiken.

Xitay da'iriliri 2009 - yilidiki “Ürümchi weqesi” nimu Uyghur milliy herikiti rehbiri rabiye qadir xanimgha dönggigen idi.