Amérikining uchquchisiz ayropilani pakistandiki nishanlargha hujum qildi

Los anjilis waqit gézitining bayan qilishiche, amérikining uchquchisiz razwédchik ayropilani bügün, pakistanning afghanistan'gha chégrilinidighan weziristan rayonidiki miramshah dégen yéride, üch éghiz öylük bir qoruni bombilidi.
Muxbirimiz weli
2012.01.11

Weqede, 4 neper elqa'idichi öldi. Bu, amérikining ‏11-ayda pakistanning afghanistan chégrasigha jaylashqan bir qarawulluq ponkitini bombilap 24 ademni öltürgen weqedin kéyin yüz bergen tunji qétimliq hujum bolup hésablinidu. Buningdin burun, amérika bixeterlik organliri, uchquchisiz ayropilan bilen pakistan'gha qilinidighan hujum alte hepte toxtitilidu dep jakarlighan idi.

Roytrs agéntliqining bayan qilishiche, bügün pakistan bash ministiri gilanining ishxanisi uchur wasitilirige pakistanning dölet mudapi'e ministiri wezipidin qaldurulghanliqini ashkarilidi. Emma buning sewebini éniq bayan qilmidi.

Xewerde éytilishiche. Pakistan gerche amérikining ittipaqdishi bolsimu, emma semimiyetsizlik sewebidin, uning amérika bilen munasiwiti yéqindin buyan yirikliship qaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.