Ürümchide bir qisim jaylargha közitish apparati orunlashturulghan

Xitay yerlik hökümiti ürümchide bir qisim yer asti ötüshme yollirigha kéche - kündüz közitidighan saqchi apparati orunlashturghan. Teywen merkizi axbarat agéntliqining xewer qilishiche, nöwette bu xildiki apparatlar ürümchidiki 19 yer asti ötüshmisige orunlashturulghan.
Muxbirimiz jüme
2009.09.22

Melum bolushiche, xitay yerlik hökümiti kéler yiligha qeder, ürümchidiki barliq yer asti ötüshme yollirigha közitish apparati orunlashturup bolidiken.

Xewerde apparat orunlashturushqa mes'ul tarmaqlarning éytqanliridin neqil élip körsitishiche, nöwette orunlashturulghan közitish apparatliri 270 bolup, bularning bash apparati yer asti ötüshmiliridiki dijürnilik öyide bolidiken. Eger ehwal körülse nöwetchi xadim derhal saqchilargha téléfon qilip délo melum qilidiken.

Shinxu'a axbaratida otturigha qoyulushiche, bu nöwet orunlashturulghan apparatlar ittipaq yoli, nurluq yol we sherqiy qaramay yoli qatarliq yollardiki ötüshmilerge orunlashturulghan.

Bu, 5 - iyul ürümchi namayishi we bu yil séntebirning béshidiki xitay puraqlirining ürümchidiki namayishidin kéyin, ürümchide yolgha qoyghan eng yéngi bixeterlik tedbiridur.

Xitay hökümiti aldinqi yili béyjing olimpiki mezgilidimu, ürümchige közitish apparatlirini ornatqan idi.

Közetküchilerning qarishiche, 5 - iyul ürümchi namayishining basturulush jeryani, mezkur apparatlargha élin'ghan bolsimu, lékin xitay hökümet tarmaqliri bu xildiki matériyallarni jama'ettin yoshurup kelmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.