Кәлпиндә йәр тәвригәндин кейин ақчида сақинди тәврәш йүз бәрди

Хоңкоңда чиқидиған 'миңпав гезити' ниң хәвәр қилишичә, түнүгүн кәч саәт 6 дә кәлпин наһийисидә 5.2 Дәриҗилик йәр тәвригән, 80 дин артуқ өй өрүлгән.
Мухбиримиз вәли
2009.02.21
Share on WhatsApp
Share on WhatsApp

Шуниңдин кейин, бу йәр тәврәш мәркизидин 40 километир йерақлиқитики ақчи наһийисидә, бүгүнгә қәдәр 117 қетим сақинди йәр тәврәш йүз бәргән. Бу җәрянда ақчида 14 миң адәм апәткә йүзләнгән, 470 тин артуқ өй өрүлгән, буниңдин келип чиққан зиян 60 милюн юәнгә йәткән. Әмма хитай һөкүмити техичә бу икки җайда йүз бәргән апәттә хәлқниң һаятиға хәйм - хәтәр йәткән яки йәтмигәнликини тилға алмиған.

Бүгүн бошун торида баян қилинишичә, хитайниң аптоном районлунлуқ хәлқ ишлири тармақлири, кәлпиндә йүз бәргән йәр тәврәштә 13 миңдин артуқ адәм апәткә йүзләнди, 2 миңдин артуқ өй өрөлди, буниңдин келип чиққан зиян йүз милйон юәнгә йәтти, дәп мәлум қилған. Әмма хитай һөкүмити йәнила бу наһийидә йүз бәргән апәттә адәмләрниң һаяти хәвпкә учриған яки учримиғанлиқини тилға алмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.