Д у қ баянатчиси җаң чүншйәнниң гума зияритигә инкас қайтуруп, “қанунни нәқ мәйданда иҗра қилиш” сиясити бикар қилишқа чақирди

Д у қ җүмә күни уйғур аптоном районлуқ партком секретари җаң чүншйәнниң гума наһийисини зиярәт қилғанлиқи мунасивити билән баянат елан қилип, җаң чүншйәнни гума “мукуйла вәқәси” ниң һеқиқи әһвалини ашкарилаш, хитай аманлиқ органлириниң “қанунни нәқ мәйданда иҗра қилиш” сияситини дәрһал әткәс қилишқа чақирди.
Мухбиримиз әркин
2012.01.20

Җаң чүншйән 17‏-январ гума наһийисиниң қуштағ йезисида тәкшүрүш елип барған. Хитай ахбарат васитилириниң бу һәқтики хәвәрлиридә униң йәрлик деһқанлардин һал сориғанлиқи илгири сүрүлгән болсиму, бирақ униң “мукуйла вәқәси” гә мунасивәтлик мәсилиләрни тилға алған яки алмиғанлиқи көрситилмигән.

Дилшат ришит хитай даирилириниң “мукуйла вәқәси” ни давамлиқ бурмилап чүшәндүрүватқанлиқини илгири сүрүп, вәқәни мустәқил тәрәпләрниң тәкшүрүп чиқишиға йол қоюшни вә һәқиқий әһвални ашкарилишини тәләп қилди.

Дилшат ришитниң илгири сүрүшичә, “мукуйла паҗиәси” хитай даирилириниң аталмиш “қанунни нәқ мәйданда иҗра қилиш” сияситини йолға қоюп, аманлиқ күчлиригә чәксиз һоқуқ бериши кәлтүрүп чиқарған. У, мәзкур сиясәт бигунаһ кишиләрниң һаятиға зор тәһдит пәйда қиливатқанлиқини билдүрди.

Йеқинда хитай аманлиқ күчлири мукуйла йезисиниң пуқралиридин пакистанға қачмақчи болуп маңған бир қанчә аилә кишилиригә оқ чиқирип, 2 аял вә 2 балини өз ичигә алған 7 адәмни өлтүргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.