Ürümchide xelq'araliq téléfon alaqilirini tarqitish-qobul qilish merkizi qurulmaqchi

Xitay merkizi hökümiti ürümchide xelq'araliq téléfon alaqilirini tarqitish-qobul qilish merkizi qurushni qarar qilghan.
Muxbirimiz irade
2011.12.29
Share on WhatsApp
Share on WhatsApp

Bu xil xelq'araliq uzun yolluq téléfon alaqilirini tarqitish we qobul merkizi béyjing, shangxey, gu'angju qatarliq 3 chong sheherde bolup, buning 4-chisi ürümchide qurulidiken.

Xitay axbarat wasitilirining melumatigha qarighanda, bu xitayning ottura asiya elliri bolghan téléfon uchur alaqisini tézleshtürüsh we téléfon alaqe tennerxini töwenlitish rolini oynaydighan bolup, hazirghiche Uyghur éli bilen ottura asiya elliri arisida 4 optikiliq kabél ornitilip bolun'ghan.

Shinxu'a agéntliqining bu heqtiki xewiride, ürümchide qurulidighan bu téléfon-uchur alaqilirini tarqitish-qobul qilish merkizining xitayning shangxey hemkarliq teshkilatigha eza dölet arisidiki uchur-alaqe mulazimitini yaxshilap, xitayning ottura, jenubiy we sherqiy asiya hem yawropagha yüzlinishige muhim asas salidighanliqi körsitilgen.

Közetküchiler, ürümchide qurulidighan téléfon-uchur alaqiliri tarqitish-qobul qilish merkizining xitayning ottura asiya elliridiki siyasiy, iqtisadiy tesir küchini ashurush istratégiyisi bilen biwasite munasiwetlik ikenlikini bildürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.