خەتەر ئاستىدىكى مۇتەخەسسىسلەر تورى ئىلھام توختى ھەققىدە خىتاي رەئىسى خۇ جىنتاۋغا خەت يازدى

12-فېۋرال كۈنى ئامېرىكا نيۇ-يورك شەھىرىدىكى «خەتەر ئاستىدىكى مۇتەخەسسىسلەر تورى» تەشكىلاتىنىڭ تور بېكىتىدە خىتاي رەئىسى خۇ جىنتاۋغا ئوچۇق خەت ئېلان قىلىپ،2-فېۋرال كۈنى بېيجىڭ ئايرودرومىدا يۈز بەرگەن مۇستەقىل تەتقىقاتچى ئىلھام توختى ئەپەندىنىڭ ئامېرىكىغا كېلىپ تەتقىق قىلىش سەپىرىدىن توسۇپ قېلىنىش ۋەقەسىنى چۈشەندۈرۈشنى تەلەپ قىلدى.
مۇخبىرىمىز مېھرىبان
2013-02-14
Share

ئوچۇق خەتتە مۇنداق بايانلار بېرىلدى: «2-فېۋرال كۈنى بېيجىڭ مەركىزى مىللەتلەر ئۇنىۋېرسىتېتىنىڭ ئىقتىساد پەنلىرى مۇتەخەسسىسى ئىلھام توختى ئەپەندى ئامېرىكىغا كېلىش سەپىرىدىن توسۇپ قېلىندى. ئۇ بېيجىڭ ئايرودرومىدا قىزىدىن ئايرىۋېتىلىپ ئايرىم ئۆيدە سوراق قىلىندى. گەرچە قىزىنىڭ كېيىنكى نۆۋەتلىك ئايروپىلاندا ئامېرىكىغا كېلىشىگە رۇخسەت قىلىنغان بولسىمۇ، ئەمما ئىلھام توختى ئەپەندى 10 سائەتتىن ئارتۇق سوراق قىلىنغاندىن كېيىن، بېيجىڭدىكى ئۆيىگە قايتۇرۇلدى. لېكىن دائىرىلەر بۇ ھەقتە ھېچقانداق چۈشەندۈرۈش بەرمىدى. شۇڭا خەتەر ئاستىدىكى مۇتەخەسسىسلەر تورى تەشكىلاتىمىز خىتاي ھۆكۈمىتىدىن بۇ ئەھۋالنى تەكشۈرۈشنى ھەم ئىلھام توختى ئەپەندىنىڭ چېگرادىن چىقىشىنى چەكلەشتىكى سەۋەب ھەققىدە ئاشكارا چۈشەندۈرۈش بېرىشىنى تەلەپ قىلىمىز. ئەگەر ھۆكۈمەت تەرەپنىڭ چەكلىمىسى بولمىسا ئىلھام توختى ئەپەندىنىڭ چېگرادىن چىقىشىنى تەستىقلىشىنى ئۈمىد قىلىمىز.»

ئۇيغۇرلار ۋە ئۇيغۇر ۋەزىيىتى ھەققىدىكى تەتقىقاتلىرى ۋە بايانلىرى بىلەن خەلقئارادا تونۇلغان تەتقىقاتچى ئىلھام توختى ئەپەندى، 2-فېۋرال كۈنى ئامېرىكىنىڭ ئىندىئانا ئۇنىۋېرسىتېتىغا كېلىش سەپىرىدىن خىتاينىڭ دۆلەت ئامانلىق قوغداش خادىملىرى تەرىپىدىن توسۇپ قېلىنغان ئىدى. ئىككى ھەپتىدىن بۇيان كۆپلىگەن خەلقئارا مەتبۇئاتلار ئىلھام توختى ئەپەندى ھەققىدە خەۋەر بەردى. كىشىلىك ھوقۇق تەشكىلاتلىرى بولسا ئىلھام توختى ئەپەندىنىڭ نۆۋەتتىكى ئەھۋالىغا دىققەت قىلىۋاتقانلىقىنى بىلدۈرمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت