Xéllari klinton afriqidiki ziyaritini axirlashturdi

Amérika awazi radi'osining xewer qilishiche, xéllari xanim özining bu qétimliq ziyaritige yuqiri baha bérip, " bu bir qétimliq muhim ziyaret" dep körsetken shuningdek yene obama hökümitining afriqa döletlirining hökümetliri bilen téximu qoyuq munasiwet ornitipla qalmastin belki, afriqa xelqliri bilenmu qoyuq - semimiy munasiwetlerni rawajlandurushni meqset qilidighanliqini tekitligen.

Bu qétim xéllari klinton kéniye, jenubiy afriqa, an'gola, konggo, nigériye we liwiyidin ibaret yette döletni ziyaret qilip, bu döletlerning prézidéntliri we bash ministirliri bilen körüshken. U an'gola, zimbabuwi qatarliq ellerde démokratik saylam we démokratik islahatning emelge éshishi üchün asas sélin'ghanliqini ilgiri sürgen.

Bu qétim xéllari xanim yene 8 sana'et dölitining 20 milyard dollarliq ashliq bixeterlik sommisi testiqlap, afriqa qatarliq döletlerdiki déhqanlarning ishlepchiqirish ünümini ashurushigha yardem bérish we acharchiliqni yoqitish mesilisidimu söhbetleshken iken.

Xéllari xanimdin ilgiri aldinqi ayda prézidént obama afriqidiki bir qanche döletni ziyaret qilghan idi.